Zazaki Qesê Weşi

Dewa de taê isanê ma bi, cı ra vatê keso "qeseweş", ma pêro qayil bime khe wa herkes hêşbo, ê têyna qesêbıkerê. Hondo khe êno mı viri, mı taê vatenê verêna, vatenê nê isananê qeseweşa ardi pêser. Nae ra tepiya khi çıqa amêy mı viri, ez nıfşe (qısım) be nıfşe erzena na pele ser. Ekhe şıma viri de khi vatenê weşi estê şıma khi bınıvısnê, ma pêrine jü ca de arêdime.

Zazaki Qesê Weşi

• Qafıkha khe ağwede şiye, vakhe mı çı di, ez hona çı khi vinena.


• Kemere khe nina verê here, here bere verê kemere.


• Qoje kemerê de zınare ebe jü xiça khışkheke vındena.


• Pela huşkhe ra peskerd: Çê to koti ro? Vakhe ez nêzana, vay ra perskerê.


• Ağwe khe dolımê êşt serê sari, ha bıhustê ha dı bıhusti.


• Serê ağwe zano bınê ağwe de çı esto.


• Ma nêheşno, ma diyo.


• Dêzıkhe vakhe bınê mı zernêno, kundêzi vakhe ez to têvdana.


• Sarê genımi çıqa khe gıran bo hondê beno çewt.


• Kutik siya boni de gına waro vakhe siya mına.  


• Vergi ra vakhe ma to kemê şüyanê varekha, vakhe şıma khulavı khi danê mı?


• Vergê de kokım diyo, ebe hêlıkhanê dê kaykenê.


• Xwezıla tı verg biyênê, qe khi to varekha ma bıwerdênê.


• Vatene esta, ebe hawt bari şekır nina roqlotnayêne.


• Ga khe gına waro, kardi benê zaf.


• Çhêjıkê mori bê ağwi nêbeno.


• Qesa weşe şari ra vaje, phariyê weşi bıde hevalê xo.


• Goza kore her taw para feqira kuna.


• Xorta hona hêniyê kokımêni de ağwe nêwerda.


• Mordemo har gıneno kardiya xo sero.


• Ekhe meyman jükhek biyênê, cı rê ga sarebırnênê.


• Nonê feqirêni bêsolo.


• Hevalê werdene nêbeno hevalê kerdene.


• Sarê mavênciya her taw şikino.


• Saa rêştiye wışira ra nêxelesina ra.


• Resenê zürekera kılmeko.


• Hewn hevalê merdeno.


• Kilitê xo ardo re sanduqa dewlete.

• Doman goza, thorn kakhılê gozo.


• Her be hertêniya xo nêkuno ağwa xoriye.


• Dermanê waştene dayêna.


• Fek keno, çım şermayino.


• Kemere re derda serne wa têra nêbê.


• Ewlado xêr çêyi vazneno ra, ewlado bêxêr wıstına bıne ra erzeno.


• Kar u zerar bırayê jübini yê.