Aşma Gulane Aşma (Menga) Qetliamana

Welatê Anadoliye-Mezopotamya hetê tarix u tebiet u yaban u zıwan u kultur u medeniyetan ra çıqas ke dewletiyo, hende ki her caê xo pê goni u gonaşiri awe daeyo. Dewletê ke ameyê, şiyê, sinor u “medeniyet”ê xo pê qırkerdene naê ro. Bıngehê dewleta nıkayêne ki pê cênosidan u qetliaman u tertelan eşto cı. Tewr zêde ki menga (aşma) Gulane de kıştene kewta kar. Ma qetliamanê aşma Gulane yad kenime.

Aşma Gulane Aşma (Menga) Qetliamana
Aşma Gulane Aşma (Menga) Qetliamana
Aşma Gulane Aşma (Menga) Qetliamana
Aşma Gulane Aşma (Menga) Qetliamana
Aşma Gulane Aşma (Menga) Qetliamana
Aşma Gulane Aşma (Menga) Qetliamana
Aşma Gulane Aşma (Menga) Qetliamana
Aşma Gulane Aşma (Menga) Qetliamana

Welatê Anadoliye-Mezopotamya hetê tarix u tebiet u yaban u zıwan u kultur u medeniyetan ra çıqas ke dewletiyo, hende ki her caê xo pê goni u gonaşiri awe daeyo. Dewletê ke ameyê, şiyê, sinor u “medeniyet”ê xo pê qırkerdene naê ro. Bıngehê dewleta nıkayêne ki pê cênosidan u qetliaman u tertelan eşto cı. Tewr zêde ki menga (aşma) Gulane de kıştene kewta kar. Ma qetliamanê aşma Gulane yad kenime. Hetê ra ke dewleti biyaena (zenginiya) welatê Anadoli u Mezopotamya ra weşime, hetê qırkerdenan ra riyê ma tarix ra heta nıka dınya alemi ver de siyao. Çınêbiyaena der u cirananê (emberyananê) verênan, zey Ermeniyan, Uruman, Asuriyan (Sıryaniyan) gani (gereke) na dewlete bıdo şerm ro. Çı esto ke heta nıka be qıseraştiye, be durıstiye dewlete nê mıletan ra uzır nêwaşto, sucê xo'yê insaniyetine, raştiya cênosidi nênawa ro xo, itıraf nêkerdo, tey nêameya têri. Poşemaniye ca verde, heta zemanê nezdi pê nê qetliaman xo goynaêne, wesfi daêne xo, estbiyena xeylê zıwanan u mıletan inkar kerdêne, pêro “Tırk” ilan kerdi bi.

Cênosidi

Her çıqa ke Herbê Cihani'o Verên kenê viyane (mane), peyniya seserra 19ıne de dest kerdo qetliaman, sehezaran ra Ermeniy qır kerdê; heta ke 24ê Nisane 1915 ferman vet. Dıme ra Ermeniy, Asuriy, Yezıdiy, tepeya ki Yunani (Urumi, Pontosıci) kışiyay u menfi (surgın) kerdi, dest eşt mal u mılkê inan. Gorey texminan 1,5 Ermeni, mıletanê binan ra pia 2,5 milyon merdum qır biyo.

Zaniyeno ke wextê Osmanıcan ra heta be ronayışê Cumhuriyeti Dêsım çımê hıkumetan u padişayan de jû kergane biye, çend sey serre hetê qırkerden u sereştene (galme) ra emeliya ra nêgına war. Peyniya peyêne de 4ê Gulane 1937 fermanê Dêsımi vet, Zazaê Elewiy (Kırmanci, Dımıli), Kurdê Elewiy (Kırdasi), Ermeniyê ke peyser mendi biy, têde kışiyay. Vanê, na şarkıştene/kokbırr (cênosid) de 70 hezar insan qır biyo, 100 hezar ki rışto menfi, 10 serre Dêsım cı rê kerdo men (yasağ). Reqemê resmi ney ver de zehf cêrê, 13 hezar vanê. Seba ke dewlete realitey nê terteley inkar bıkero, no cênosid “isyan” name kerd. Halbıke, hewna ke dest nêkerdi bi qırkerdene, mıleti ra çek u tufangi day arê, aver pir u rayberi qır kerdi ya rışti surgın, tepeya ordi qelebiya cı, insano masum u bêçek, pil u qıc, ceni u cıwamêrdi, domanê sawiy pizey mae de qır kerdi.

Her çıqas ke par (2013) serwezirê Tırkiya Erdoğani medya de uzır waşt, o ra tepeya gamê da aşkerae (konkret) nêeşta.

Roştberanê Yunanan çım de 19ê Gulane 1919 a roca ke fermanê Rumanê Pontusi Deryao Siya (Qeredengız) de diyao. Serranê 1914 u 1923 miyan de xeylê merdum ameo kıştene. Reqemê texminan wertey 200 hezar u yew (jû) milyoni derê.

Nae ra 150 serre aver 21ê Gulane 1864 de Cênosidê Çerkezan u Kofkasıcan ameo meydan, o ra tepeya şaranê Kofkasya (Qefqasya) ra xeylê qewmi, Çerkezi {Adiğey, Şapsıği, Kabartayi, Ubıxi}, Abxazi, Abazay, Tatarê Qırımi, Qumuqi u ê bini remaê, ameyê Anadoliye. Kofkasıcan ra be se hezaran (taê çımey vanê yew/jû milyon) merdum kışiyao, se hezaran ra ki goç kerdo.

Qetliamê Siyasiy


Kışta cênosidan de, dıwela ke namey cı Tırkiya nawa pıra, tede qetliamê politiki ki tarixê xoyo siya nusenê. Tainan de mılet kışiya, tainan de ki rayberê partiyê da siyasiye. İnan ra êyê ke ma amey a ma viri, nêyê (êyê ke nêmaey a ma viri, wendoği ke ma rê bınusê, ma kenime a ser):

 

1ê Gulane 1977 (1ê Gulana Gonıne) İstanbol – Teqsim (34 merdey)

13ê Gulane 2014 Afetê Medenê Soma (301 merde)

28ê Gulane 2013  Sıftekerdena weqatanê Gezi de qetliamê xortan: Mehmet Ayvalıtaş, Abdullah Cömert, Etem SarısülükAli İsmail Korkmaz, Ahmet Atakan, Berkin Elvan, Hasan Ferit Gedik u Medeni Yıldırım (Lıcê de).

22ê Gulane 2014 Uğur Kurt (verê banê cemê İstanbol Okmeydani de qerşuna polisi ra)

23ê Gulane 2014 Ayhan Yılmaz (İstanbol Okmeydani, surey weqatanê çepıcan (solciyan) be polisan de, bombay ya ki kapusê qazi ra)

27ê Gulane 1980 Terteley Çorumi. Pê tızkerdena partiya şarperesta nıjadpereste MHPi Çorum de erzenê mehlay (tağa) Elewiyan ser, 57 merdumi kışiyenê.

29ê Gulane 2014 Rojava (Suriya) de teşkilatê terorio islamist İŞİD erzeno jû dewa Yezıdiyan ser, be desan insano sivil kışeno. Zaniyeno ke no teşkilat hıkumetê Tırkiya ra ki peşti gêno.

30ê Gulane 2014 Elif Çermika 64 serriye mitingê İstanbol-Qadikoyiye, 22ê Gağani 2013ıne de derba qazê polisi gêna, 159 roci nêweşxane de mendene ra tepeya heyatê xo kena vındi.

 

Ma nê cênosidan u qetliaman yad kenime, anime a xo viri. Ninan de bêrime têri ke aco/neslo ke ma ra peyda beno, cı ra insaniye, haştiye bımuso; qetliami, cênosidi reyna mêrê meydan.

Dilegê ma oyo ke na dınya ser de kışteni vınderê, ne kesê zerar bıdo kesê, ne insan zerar bıdo dorme u heywanat, ne kes kesi sero hıkum bıramo.

(No nuşte 11.06.2014 de riperrê (pela) ma Zazakikozmos.com de veciyay bi; fotrafi ki nê nuştey raê)